JEAN'S POV
NAKAUPO ako sa swing at malalim na nag-iisip. Wala pang sinasabi si Markus na dapat kong gawin ng umagang 'yon. Ngunit kahit saan siya magpunta ay sinisigurado kong naroon ako. Narito ngayon si Sir France at Si Ma'am Sandy, dapat nilang makita na ginagawa ko ang aking trabaho.
Balak ko na sanang kausapin pa mula kahapon si Sir France ngunit hindi natuloy. Ngayon namang umaga, nakita ko siyang maaga umalis. Malamang pumasok na sa opisina. Nalulungkot ako na hindi ko maintindihan. Pinagmamasdan ko si Markus. Siguro nga dahil nakuha na niya ang gusto ay wala na siyang pakialam sa akin.
"Good morning! Nakasimangot ka riyan?" sita sa akin ni Ma'am Sandy. Hindi na ako nagulat sa presensya niya dahil kanina ko pa siya nakikita mula sa paglabas niya sa maindoor. Nakatingin siya sa a
