JEAN'S POV
"HMMM..." ungol ko nang tila ako'y naalimpungatan sa aking panaginip. Sa panaginip ko ay may yumuyugyog daw sa akin upang ako'y gisingin. Ngunit ayaw ko pa raw bumangon dahil sobrang antok na antok pa ako. Puyat ako noong nagdaang gabi dahil hindi pinatulog ng aking malilikot na imahinasyon. Sobrang liwanag daw kasi sa silid ko at hindi pinatay ang ilaw. Dahil... dahil natatakot ako na may lumitaw na multo at biglang tumabi sa akin.
Huh?
Bigla akong napabalikwas ng bangon. Noon ko lang napagtanto na hindi iyon isang panaginip. Dahil totoo iyong nangyayari sa akin. Agad akong napahawak sa balikat ko kung saan ko naramdaman ang mainit na dantay ng kamay ng kung sino.
"Oh, good morning. Buti nama't gising ka na, Señorita. Gutom na gutom ka na siguro, ano? Ako kasi kanina pa k
