KALAUNAN nga'y nag-report na rin sila sa may Makati police station kasama si Drew, matapos nilang makipaglamay sa burol ni Jessica. At doon nga'y napag-alaman ng mga pulis na may koneksyon si Jessica Corales kay Allan Corpuz. Kaya naman nang mismong araw din na iyon ay may ipinagtapat si Geofferson sa police team. "Chief, alam ko kung saan p'wedeng makita si Allan Corpuz. Sa may Ocampo St. dito sa Makati, doon namin siya nakita ng kaibigan ko na umuupa sa isang dorm," desididong sabi niya.
Kaya naman napaangat ng tingin sa kaniya ang chief officer na si Zandro De Vencio. "Kung ganoon ay mas mabuti pang samahan mo ang aking team na matunton ang lugar na 'yon." Napatango siya at maya-maya pa'y binalikan nito ng tingin si Police Lieutenant Manny Posada at magalang na sumaludo rito, "Boss, ik
