"Aaminin ko, iyon ang isa sa mga naging maling desisyon ko sa buhay," pagsisimula ni Madison. At tila ba tumahimik ang paligid sa naging kasagutan niya. Kahit ang totoo'y tumahimik lamang sa pwesto nilang mga kababaihan na nasa dining area. At doo'y nagkaroon sila ng pagkakataon para magkaroon ng girl talk, and of course, kasama roon si Audrey. "Pero marami naman akong na-realize simula nang mawala siya sa buhay ko, e. 'Yung napatunayan kong kaya ko pa lang maging successful sa buhay kahit wala siya. Pero aaminin ko rin no'ng bumalik siya, parang mas gumaan ulit ang buhay, at napatunayan kong mas kailangan ko siya."
"So, kayo na nga ulit?" tanong ni Sabrina.
"Hindi ko masabi, pero ang alam ko lang, mayroon kaming kasunduan na kami pa rin hanggang sa huli," nakangiting aniya.
"Naks!" ma
