"KASALANAN mo 'to, Allan! Kung sana ay hinayaan mo na lang akong akitin si Geofferson noon at hindi ka na nagpumilit pang pumasok sa buhay ni Tita Lorie ay hindi sana mangyayari 'to! Hindi siya maghihinala at hindi sana mabubuking ang lihim ko!" Walang pakundangan ang paninisi ni Adelle kay Allan pagkatapos ng mga nangyari, mag-iisang taon na ang nakalilipas.
At tila ba bumagsak ang mundo ni Adelle ngayong naging isa na siyang ganap na ina, dahil na rin sa kaliwa't kanang gastusin na kung tutuusin ay hindi niya na alam kung saan kukunin ang panggastos. Hindi kasi sapat ang kinikita niya sa clinic na pinapasukan. At imbes naman na makatulong si Allan financially bilang ama ng bata ay siya pa ang tumutulong dito para makakain ito minsan ng gusto nitong pagkain.
"'Wag na tayong magsisihan
