Isang linggo ang lumipas ay may dinaluhan na naman silang event. Maingay ang ballroom, punung-puno ng ilaw, musika at halakhakan. Isa na namang engrandeng event. Mga negosyante, kilalang personalidad at lahat narito. Ngunit kahit saan tumingin si Jefferson, iisa lang ang pakay niya ngayong gabi.
Si Alorna.
At nang makita niya itong nakatayo sa gilid ng mesa, nakangiting pilit habang nagmamasid ay napangisi siya. Lalo na nang mapansin niya kung sino ang nasa kabilang panig ng hall.
Si Valerian.
At syempre, nakadikit si Sanya sa tabi nito habang nakahawak pa sa braso na para bang siya ang tunay na may karapatan.
"Perfect timing," bulong ni Jefferson sa sarili.
Lumapit siya kay Alorna ng dahan-dahan at parang walang bahid ng kasamaan.
“Ang ganda mo ngayong gabi,” aniya ng mahina lang.
