Pagkatapos ng ilang araw na puro trabaho at tensyon sa opisina, naisipan ni Valerian na surpresahin si Alorna. Hindi niya sinabi kung saan sila pupunta. Basta pinapunta niya lang si Alorna sa may parking area ng kumpanya niya.
Nakaabang doon ang sasakyan ni Valerian, nakasandal siya sa hood, naka-white polo lang at maong pants. Simple pero fresh at gwapo. Nang makita siya ni Alorna ay napailing ito at ngumiti.
“Bakit parang ang lakas ng trip mo ngayon?” tanong ni Alorna habang papalapit.
Ngumisi si Valerian. “Kailangan ba ng dahilan para yayain ka?” sabay bukas ng pinto ng sasakyan para sa kanya.
“Sumama ka na lang. Trust me, mag-eenjoy ka.”
Medyo nag-alinlangan pa si Alorna pero sa huli ay sumakay din siya. Habang binabaybay nila ang daan, hindi nito alam kung saan sila pupunta. Pa
