Kumakabog ang dibdib ni Steph habang binabaybay nila ni Charlie ang kahabaan ng kuweba, humihiling na sana ay palabas ang napili niyang daan. Hindi nila alam kung ano ang panganib na naghihintay sa kanila sa daraanan nila.
"Mahaba pa ba ang daan na ito?" nag-aalalang tanong ni Steph. "Pakiramdam ko'y maghapon na tayo naglalakad pero nasa kuweba pa rin tayo."
"H-hindi ko rin alam. Tulad ng sabi ko, hanggang bungad lang ako ng yungib ni Mama. Hindi ko alam kung ano ang mayroon sa dinaraanan natin," kabadong sagot din ni Charlie.
Napabuntong hininga si Steph. Iniisip din niya ang sinabi ni Achlys tungkol sa kaniyang sumpa. Ang kaniyang ina ang lumikha nito at nilagyan ng twist ni Achlys subalit nagloloko ang kapangyarihan ni Aphrodite kaya iba ang naging resulta. "Charlie, may alam ka ba t
