"GOOB job, guys!"
Tanging isang maliit na ngiti lang ang naitugon ko kay Miss Iya sa sinabi niya. Ngayong araw ay ito na ang huling photoshoot namin ni Curse para sa proyekto kung saan ay magkasama kami. Kaya hindi ko tuloy maiwasan na mag-isip kung magkakaroon pa ba ako ng dahilan na makita siya.
Nang magtungo ako sa gilid ng silid ay mabilis akong nilapitan ng staff na nag-a-assist sa akin. Inabutan niya ako ng bottled water at tissue.
Una kong tinuyo ang kaunting pawis sa noo bago binuksan ang bote ng tubig. Habang umiinom ay kusang lumipad ang mga mata ko sa gawi ni Curse na hindi nalalayo sa akin. Kumunot ang noo ko nang mapansing may kakaiba sa kanya. Para bang may iniinda siyang sakit habang kinakausap ang staff na nag-a-assist sa kanya.
Tapos na akong uminom ngunit nananatili p
