NANG makapasok sa loob ng bahay kakaibang tingin agad ang ipinukol sa akin ni Rosa. Bumuntong hininga ako at naupo sa sofa.
"Nagkaayos na kayo?" tanong niya agad.
Sunod-sunod akong umiling. Natahimik siya. Nang kay Chris naman ako napatingin ay napabuntong hininga na lang ako. Mukhang naguguluhan siya sa inaakto namin ni Rosa.
"May hangover pa ako, matutulog muna ulit ako," paalam ko sa kanilang dalawa. Bagsak ang mga balikat kong naglakad patungong kwarto ko, ni hindi na hinintay ang tugon nila.
Ibinagsak ko ang sarili sa kama nang naninikip ang dibdib. Hindi ko maalis sa isipan ang naging reaksiyon ni Curse nang sabihin kong naghihintay pa rin ako sa kanya.
Isa pang marahas na buntong hininga ang pinakawalan ko bago ipinikit na ang mga mata, pilit na inaalis sa isipan ang galit na
