PARANG isang panaginip lang ang lahat ng nangyayari, ngunit nang masilayan ang mukha ni Curse nang maimulat ko ang mga mata ang nagpatunay na hindi lang isang panaginip ang nangyari kagabi. It really happened.
Mas lalo akong nagsumiksik sa bisig niya. Buong gabi kaming magkayakap at tila ayaw na pakawalan ang isa't isa. Tila natatakot na sa oras na mawalay ang isa sa bisig namin ay hindi na ito muling mayayakap pa.
May malambot akong eskpresiyon sa mukha habang pinagmamasdan ang kalmadong mukha ni Curse. Malalim pa rin ang tulog niya kaya malaya kong natititigan ang gwapo niyang mukha. Kahit yata habangbuhay ko itong pagmasdan ay hindi ako magsasawa.
Natigilan ako sa kinahihigaan nang mapansing gumalaw na ang mga mata niya. Ilang saglit pa ay nagmulat na siya kaya tumambad na sa panin
