Nanatili si Felicity sa bahay ni Don Magno. Tinuring siyang pamilya nito ganun din ang mag-asawang Manang bising at Mang Mario na pinakapinagkakatiwalaang katiwala ng Don. Naging maganda ang pagtrato sa kanya ng mga ito lalong lalo na ang Don. Lahat ng mga gamit sa bahay lalong lalo na sa kwartong inaakupa niya ngayon ay ibinigay na sa kanya. Para kasing sinadya na para sa kanya ang mga iyun dahil kasyang kasya sa kanya.
Sa ilang linggo na pananatili niya sa bahay ng Don ay hindi pa rin niya maiwasang maalala ang pamilyang iniwan niya. Pamilyang iniwan niya o nangtaboy sa kanya? Kahit pa ganun ang pamilya niya ay hindi pa rin niya maiwasang mamiss ang mga ina. Ang kanyang Mama, si Freda, si Marivic na sobrang bait na bestfriend niya at lalong lalo na ang kanyang Papa. Ni hindi man lang ni
