CHAPTER 52
“Anong sinabi n’yo, ‘Tay?” kinakabahang tanong ko.
Magkakaroon pa ata ako ng asawa ng wala sa oras.
“Hindi ako pumayag, Ligaya. Gumawa ako ng paraan para makahiram ng pera sa iba. Nakahiram ako pero sa dalawang tao. Ayos na rin ‘yon. Bayaran na lang natin kahit paunti-unti lang,”
Nakahinga ako ng maluwag sa sinabi ni Tatay. Ayaw kong magpakasal sa taong wala naman akong nararamdaman. Kung pwede pa namang gumawa ng paraan.
“Salamat, ‘Tay. Salamat sa tulong n’yong dalawa ni Nanay sa akin at sa anak ko. Babawi po ako sa inyo,”
Kinuha ko ang kamay ni Tatay at hinawakan iyon. Ngumiti si Tatay at ginulo ang aking buhok. May pera nga ako doon sa dalawang linggo kong trabaho pero sakto lang din iyon para sa mga gamot na binili para kay Alas at sa mga pagkain namin dito sa osp
