CHAPTER 41: Paghaharap-harap
AGAD NARATING NI Sharon ang kubong tinutukoy ng kanyang anak na si Hector na kinaroroonan ni Tres. Ngunit wala siyang naabutan sa kubo kundi mesang may mga platong may mga tirang pulutan, mga bote ng alak na nakatumba, at mga baso at pitsel na walang laman.
Galit na napasinghal si Sharon, hindi niya maamoy na may bampira sa paligid. Wala si Tres sa lugar na tinutukoy ng kanyang anak. Mainit ang dugo niyang bumalik siya sa resort, sa tabing-dagat na siya dumaan at bawat madadaanan niya ay nagtatalsikan ang mga buhangin maging maliliit na mga bato pataas.
Pinuntahan niya agad ang kanyang anak na si Hector at sinakal ito dahil sa mali nitong impormasyon. Dinala niya ito sa living room ng kanilang mansiyon. “Sa susunod, huwag ka na lamang magsasalita!” sigaw ni
