CHAPTER 42: Mga Bagong Alyansa
><
NAGISING AKO SA YUGYOG sa akin ni Bab at ang tinig niya ay nag-aalala. “Tol, importante ang tawag na ito,” aniya. Cellphone ko ang hawak niya.
Naupo ako pagkahawak ko ng cellphone at agad ko itong sinagot. “Hello?”
“Umalis ka na sa lugar na ‘yan,” tinig ni Troy. “Papunta na d’yan si mommy, si Sharon. May vaccine siyang nais iturok sa ‘yo. Parte ka pa rin ng ginagawa nilang ekspiretmento.”
“Ano ang sinasabi mo?” naguguluhang tanong ko.
“Umalis ka na d’yan ngayon din,” madiing sambit ni Troy at pinatay na niya ang tawag.
“Ano raw ‘yon?” tanong ni Bab.
“Kailangan ko nang umalis,” sagot ko. Nakalabas na kami ng kubo.
“Tayo na, kaya ko pang mag-drive,” sabi ni Bab.
“Hindi na. Dito na lamang ako dadaan sa tabing-dagat pauwi sa bahay ko. Kaya ko
