CHAPTER 40: Saloobin
PAGBALIK KO NG bahay, nandoon si Troy. Matalim ang tingin niya sa akin. Hindi ako nakapagsalita, nagulat narito pa siya.
“Mahal mo na nga siya,” sambit niya. Alam kong si Tres ang tinutukoy niya. “At iniisip mo na mahal ka rin niya? Nagkakamali ka. Hindi ikaw ang minahal niya. Hindi ka niya minahal.”
“Ano ‘yang sinasabi mo?” pagtataka ko sa sinabi niya.
Humakbang siya palapit sa akin. Nararamdaman ko ang galit niya. Ang akala ko ay sasaktan niya ako, at nakahanda ako, ngunit bigla siyang mabilis na naglaho.
Hindi ko man lubos na naintindihan ang sinabi ni Troy, ngunit may tama sa mga sinabi niya. Naniniwala akong gusto ako ni Tres, alam kong mahal niya ako. Ngunit may bagay na pumipigil sa kanya para ipadama sa akin’yon. Nakikito ko iyon sa mga mata ni Tres. Na t
