CHAPTER 37: Galaw Ng Dagat
“ACT NORMAL,” SABI sa akin ni Bab. Pabalik na kami sa pampang. Nakaharap ako sa kanya, siya na ang nagsasagwan. Napansin niya siguro ang pagkaseryoso ko.
Iginuhit ko ang ngiti sa aking labi at tumango ako sa kanya. “Bab?”
“Bakit?” tanong niya.
“Puwede bang… ‘wag kang aalis sa tabi ko…” Nakatingin lang siya sa akin sa pakiusap na sinambit ko sa kanya. “Natatakot kasi ako. Baka hindi ko mapigilan ang sarili ko at makagawa ako nang hindi magandang eksena. Baka may mapahamak sa kanila.”
Ngumiti si Bab. “Oo ba,” sagot niya. “Ako ang magiging tranquilizer mo, para kalma ka lang.”
Napangiti ako sa sinabi niya. Tumango-tango ako. “Act normal,” nakangiting sabi ko.
Nang marating namin ang pampang, naliligo na sina Arjay. Kasama niya ang mama at kapatid niya. Nalil
