CHAPTER 49: Hindi Na Muling Lalayo Pa Sa 'Yo
“DARK?” TAWAG KO kay Tres.
Humarang si Troy sa harapan ko. “Ano bang ginagawa mo? Hindi ka niya nakikilala!” sigaw niya.
“Hindi ako naniniwala,” kontra ko kay Troy.
“Pipigilan ko siya. Tumakbo ka na nang pinakamabilis mong takbo. Makinig ka sa akin, Arjay! Iligtas mo ang sarili mo sa kanya! Isa na siyang halimaw!” pagdiin ni Troy sa sinasabi niya na ayaw kong paniwalaan.
Napapailing na lamang ako sa sinabi ni Troy. Dahil hindi ko pa lubos na maunawaan kung ano ba talaga ang nangyayari kay Tres.
“Pumunta siya rito para iligtas ako,” sambit ko. Dahil iyon ang totoo at iyon ang nararamdaman ko.
Hindi na nakasagot pa sa sinabi ko si Troy. Sinalubong niya ang pagsugod ni Tres. Muli na naman silang naglabang dalawa. Ngunit sa pagkakataong iyo
