CHAPTER 34: Mga Bagong Kapanalig
LUMAPIT ANG APAT na bampira sa amin, at pinaikutan nila kaming tatlo.
“Mga mutant vampire din ba sila?” tanong ni Bab. Nakatalikod kaming tatlo sa isa’t isa.
“Hindi ko masasabi. Ngunit sa tingin ko, aatakehin nila tayo,” sagot ko.
“Mga taga-resort nga sila,” ani Mengil. “Sila rin ang mga nakaitim na van. Nakikilala ko ang dalawa sa kanila, at ang isa sa kanila ay nakita ko na sa resort. Makailang ulit akong nagpabalik-balik sa resort no’n sa paghahanap sa ‘yo Tres. Staff ng resort itong kaharap ko.”
“Hindi na ako magtataka. Ngayon nakompirma na natin ang lahat. Ang mga bampira sa resort ang kalaban ng isla,” sambit ko.
Sabay-sabay na sumugod sa amin ang apat. Gamit ang sandatang hawak namin, sinalubong namin sila. Ngunit napakabilis ng mga bampira. N
