Annalyn Cruz (POV)
Bumaba ako sa kusina dahil kumakalam na ang sikmura ko.
Hindi ko muna hinarap si Benjamin kanina nang kumatok ito dahil talagang antok na antok ang pakiramdam ko.
Marahil ay dala ng aking pagbubuntis.
Pabalik na ako sa silid nang pagdaan sa library ay napansin ko mula sa nakaawang na pinto si Benjamin na umiinom ng alak.
Naiiling na pinagmasdan ko ito buhat dito sa may pintuan.
Mukhang marami na itong nainom na alak kaya hindi niya na ako namalayan pa.
Dali akong kumubli nang makita kong tumayo ito at naglakad papalabas sa pinto.
Hinintay kong makalayo ito roon at saka ako pumasok ng library.
Liligpitin ko na sana ang pinag-inuman niya nang mahagip ng mga mata ko ang isang envelope sa ibabaw ng mesa.
Hindi ko alam kung bakit pero parang nabuhay ang kuryo
