NAKABALIK na sa Maynila si Brenda, tinawagan niya si Melchior— ang pinsan niya, na didiretso siya sa bahay nito. Gusto niyang kausapin ang pinsan niya. Hanggang ngayon ay nagpupuyos pa rin siya sa sobrang galit kay Yna at Alas. Gusto niyang humingi ng resbak sa pinsan niya, baka mapaki-usapan niya ito na kumbinsihin si Alas na siya ang piliin nito.
Kakauwi lang din ni Melchoir mula sa restaurant niya. At alam niyang problema na naman ang isusumbong ng pinsan niya. Paulit-ulit na lang ba siya sa pagasasabi sa babae na tigilan na niya ang kahibangan niya?
"What's your problem, cous? Is it really important to discuss?" tanong ni Melchior sa babaeng nakakuyom ang mga kamay sa ibabaw ng mesa. Naupo siya sa silyang nasa harapan ni Brenda. Nasa lawn sila ngayong dalawa.
Tumaas-baba ang balik
