INAYA nila si Lea sa floating cottage kung saan sila nakatakdang mag-agahan para maka-usap nila ito nang masinsinan. Nais nilang tanungin si Lea kung ano ang balak nitong gawin pagkatapos ng ginawang panluluko ng asawa nito. At kung anuman ang maging desisyon ni Lea susuportahan nila.
Wala silang balak na manghimasok sa problema ni Lea. Ginagawa lang nila ito bilang kaibigan at para malaman nila kung paano payuhan si Lea. Ayaw nilang magpadalos-dalos si Lea dahil baka makagawa ito ng hindi tama. Lalo na't sa mga oras na ito hindi pa ito nakakapag-isip ng maayos dahil galit at poot ang nararamdaman nito para sa asawa.
Habang naglalakad papunta sa floating cottage ay inilahad ni Blake ang kamay para alalayan siyang maglakad sa tulay na kahoy na siyang daan para marating ang floating cottag
