"'Yan ba ang tingin mo sa akin, ha?! Am I a f*****g toy for you?! Hindi ka ba talaga titigil sa pangungulit mo?! May girlfriend ka, 'di ba? Bakit hindi na lang siya ang pagtripan mo?!"
Marahas na binawi niya ang kaniyang sunglasses mula sa kamay nito.
"Inuulit ko . . . Leave me alone!"
Muli, isinuot ni Romana ang panakip sa magang mga mata at saka nagmadaling lumakad paalis.
Tigalgal naman naiwan si Evo sa kaniyang kinatatayuan, napahaplos na lamang sa pisnging may bakat ng kamay ni Romana.
"Dunderhead!" dismayadong wika ng lalaki sa sarili sabay kaltok sa kaniyang ulo.
Hindi pa nga niya napapaamo ang babae ay tila nabawasan na ang pogi points dahil sa ginawa niya. Ang balak lang naman sana ni Evo ay yayain itong mag-almusal dahil tanghali na ay hindi pa ito lumalabas muls sa silid
