Parang hindi makaihing pusa si Lalaine nang lumabas si Roman mula sa banyo. Hindi kasi alam ng babae kung paano mapapatulog sa mabilis na paraan ang kasintahan.
"Maliligo ka rin ba, Babe?" tanong ni Roman habang pinupunasan ang basang buhok.
Tanging ang nakapulupot na tuwalya sa baywang lang ang nagsisilbing tabing sa kaniyang katawan.
"Later, Babe. Tinatamad pa ako. Anyway, gusto mo ba ng kahit anong maiinom? Like coffee, milk, or juice?"
Balak ni Lalaine na budburan na naman ng pampatulog ang inumin ng kaniyang kasintahan.
"No, thanks. Mas gusto kong subukan kung matibay pa itong kama natin," pilyo na ngumisi siya kay Lalaine kasunod ang paglandas ng kaniyang dila sa mapuputi at pantay-pantay na ngipin.
Biglang nakaramdam ng kaba si Lalaine. Parang ibang tao ang nasa kaniyang har
