Pakiwari ni Lalaine ay madudurog na ang kaniyang nguso sa marahas na paghalik ni Vincent sa kaniya.
"V-Vincent, ano ba?! Ano bang problema mo?!"
Ibinuhos niya ang lahat ng kaniyang lakas para maitulak ang lalaki papalayo sa kaniya.
"Bakit, Laila? Mas gusto mo na ba ang Roman na 'yon kaysa sa 'kin?! 'Di ba sinabi mo na ginagamit mo lang siya para muling mapalapit sa akin?! Bakit ngayon ay iba na ang nakikita kong ikinikilos mo?! Iba na ang ipinaparamdam mo!"
"Masisisi mo ba ako, Vincent?! Mabuting tao si Roman! Hindi siya mahirap na mahalin hindi katulad mo na ang daming issues!"
Lalong tumigas ang ekspresyon sa mukha ng lalaki.
"So, mahal mo na nga? Kung ganoon ay babalewalain mo na ako?"
"Ano ba ako para sa 'yo, Vincent?" balik tanong niya sa lalaki.
May bahagi sa kaniyang puso
