"H-Hello . . . R-Romana . . ."
Biglang nakaramdam ng kaba si Vincent nang sagutin ng babae ang tawag.
"I-loud speaker mo. Gusto kong marinig ang pag-uusap niyo. Kung hindi mo kayang gawin ay palayain mo na lang ako at ang anak mo!" utos sa kaniya ni Laila na seryosong nakatingin sa kaniya, nakamasid sa lahat ng kaniyang kilos at sasabihin.
Nanginginig ang kamay na pinindot niya ang loud speaker ng kaniyang phone.
"Hello? Baby? Bakit hindi ka nagsasalita? May problema ba?" malambing na tanong ni Romana.
Napalunok siya ng ilang beses pagkarinig sa kaaya-ayang boses ng babae.
Samantala, napangiti naman nang mapait si Laila. Sobrang lambing pala talaga ng kabit ng kaniyang asawa kaya siguro nabaliw-baliw ito sa babae kahit na may edad na.
"R-Romana . . . M-May gusto akong sabihin . . .
