"Misis, hindi naman po malala ang infection. Mabuti't dinala n'yo agad dito ang anak n'yo para ma-treat kaagad ang sugat niya. Kung magagamot nang tama, hindi naman ito mag-iiwan ng peklat. Kung magkapeklat naman, may mga ipinapahid na gamot naman na very accessible na ngayon. Makakabili kayo nun sa kahit saang pharmacy o drugstore." Wika ng doktor habang ginagamot ang sugat ni Sophia na nakuha nito sa pagkakadapa. Kinamot ito ng bata kaya nagkaimpeksyon. "Payo ko lang po, Misis, sa susunod na masugatan po ulit ang Anak n'yo, ganito po ang gawin n'yo..."
Sa lahat ng sinabi ng doktor ay tila walang naintindihan si Rita, nakayuko lang ito habang may malalim na iniisip.
"Misis? Misis?" Tawag ng doktor ngunit hindi pa rin ito narinig ni Rita. Kung hindi pa naihulog ng malikot na si Sophia
