Chapter 14
Napakislot ako mula sa pagkakahiga nang makarinig ng ilang kalabog at parang tunog ng kutsara. Nang dumilat ako ay agad kong hinahanap ang bintana para tignan ang labas. Tanghali na. Iyon ang unang rumehistro sa isip ko nang makita ang sinag ng araw na tumatagos sa bintana. Nang subukang dumilat nang maayos ay napahawak lang ako sa mata ko. Pakiramdam ko ay kinagat ako ng ipis.
Noon lamang bumalik sa isip ko ang mga nangyari. Kung paano ako kumprontahin ni Ma'am Emelita at Jade. Si Liam. Bigla ay para akong binuhusan ng malamig na tubig. Tumingin ako sa paligid pero ni anino niya ay hindi ko nakita. Ang huling naaalala ko ay nandito siya at kinakantahan ako. Sandali, kinakantahan?
Mabilis na umalis ako ng kama at inayos ang buhok ko. Nandito pa kaya ang mama ni Sir Liam? s**t
