Chapter 15
Pagkauwi sa bahay nila Sir Liam ay ibinalik ko agad si Riyo sa maliit na bahay niya. Nagsaing at nagluto narin ako para kung sakaling gabihin ako ay may kakainin sila.
Mabilis lang ang ginawa kong pagligo. Ayaw kong paghintayin ng matagal si Leon at baka mamaya ay makaalis iyon ng hindi kami nagkikita. Kung kanina ay ayaw ko siyang makita— nagbago na ang isip ko. Naisip ko lang na baka pagkatapos nito ay hindi na ulit kami magkita. Lalo na't magiging busy na siya sa Maynila.
Nagmamadali akong umakyat ng hagdan para puntahan si Sir Ruel sa kanyang kwarto. 'Di tulad kanina, hindi ko na nakikita si Sir Dylan pati na 'yong isang babae. Second floor, third room ang kwartong tinutuluyan nito.
Nang buksan ko ang pinto ay naabutan ko itong nakaupo habang nagbabasa ng dyaryo, may
