Nahihirapan si Millen sa pagpasok sa opisina dahil sa nangayari sa kanyang sasakyan kaya maya't maya kung kulitin n'ya ang shop.
"Friend, alalahanin mo hindi lang ikaw ang customer dun." Paalala ni Celia.
"Oo alam ko, ang sa akin lang sana ay baka mapabilis dahil nahihirapan ako mag-travel." Sabi n'ya sa kaibigan.
"Hiramin mo muna kaya ang kotse ko?" offer nito.
"Hindi kaya nakakahiya?" alangan na tanong n'ya.
"Sus, nahiya pa raw. Ako na nga ang nagsabi di ba. Kaysa araw-araw naman ako maririndi sa mga reklamo mo diyan," saad nito.
"Kung okay lang sa'yo, sige." Pagpayag ni Millen dahil pabor naman talaga ito sa kanya.
"Mamaya, sa bahay ka na tumuloy para madala mo ang kotse pauwi sa inyo." Pahayag ng kaibigan na sinang-ayunan naman n'ya.
"Sure, thanks friend!" malawak ang pagkakang
