"Maganda ang mga bagong designs ng packaging ng mga produkto natin ngayon, Hector. Wala talagang makahihigit sa mga ideya mo. Superb! Kaya nangunguna na naman tayo sa merkado ngayon at mataas na naman ang produksyon natin sa planta."
"Thank you, Norman." Isang matamis na ngiti ang pinakawalan niya. Nasa board meeting sila ngayon sa Makati kasama ang mga business partners niya para sa semi-annual review. Lahat ng taong naroon ay puro papuri ang sinasambit. Kabi-kabilang awards din kasi ang natanggap ng mga produkto nila sa mga parangal dito sa Pilipinas at pati na rin sa ibang bansa.
Nagsimula siyang mag-discuss ng mga bago pa niyang plano sa kompanya para sa mga susunod na taon. Bilib na bilib ang mga nasa conference room sa mga bagong ideya na pumapasok sa isip niya sa mga oras
