"SANDALI lang Manong taxi driver," sabi ni Kean sa lalaking ito matapos nilang maipasok si Lovely sa loob ng kaniyang bahay at magkatulong na inihiga sa mahabang sofa.
Kaya at puwede naman niyang buhatin ang lasing na dalaga ng siya lamang mag-isa pero nais niyang makatiyak, makatiyak na hindi nito pinakialaman ang dalaga habang inihahatid papunta dito sa bahay niya.
"Paano ulit siya napunta sa taxi mo?" tanong niya dito kahit pa nga ang totoo ay hindi pa naman talaga iyon naitanong dito.
"Buhat po sila sa isang bar. Isinakay po lamang siya sa taxi ko ng dalawa niyang kasama, babae't lalaki po," tugon nito sa kaniya habang tuwid na nakatitig sa kaniyang mga mata. "Ang sabi po nila sa akin ihatid ko sa address na ito si Ma'am, nakapasok po ako sa gate kase kilala naman po ng mga duty gu
