"BASTA na lang siya nagbitaw ng mga ganoong salita Jake!" maluha-luhang sabi ni Ethan. "Ni hindi man lang niya inisip 'yong mararamdaman ko bago siya nagsalita ng mga ganoon. Para na din niya akong pinatay! Ang sakit-sakit sa dibdib!" napaiyak siya sa huling sinabi.
Naroon sila sa sala nag-uusap.
Hindi niya naitago dito ang nadarama niya nang makita siya nito paglabas dito sa sala upang magtungo sana sa kitchen para sa baso ng tubig.
"Para akong tanga na walang ginawa kundi bumuo ng pangarap para sa aming dalawa, habang s'ya nangangarap din pero hindi ako ang kasama," sabi pa niya na impit pang umiyak. "Jake ang sakit eh! Wala naman akong ginawang masama! Minahal ko lang siya pero bakit ganoon!?"
"Ethan. . ." mahinahong sabi ni Jake. "Hindi ko alam, wala akong ideya kung gaano kasakit
