"ANONG meron kay Sir. Chase kanina at ang drama e bongga na bongga? Naloka ako bigla! Hindi ba at Hindi mo naman gusto nq magpakita sa mga customer. Kasi nga natatakot ka na baka mahusgahan ka? So anong meron?" tanong ng kanyang kaibigan na si Beauty habang naglilinis na sila ng mesa upang magsara na.
"May iuutos kasi sa akin si Sir. Chase, tapos ayon, siguro sinundan niya ako para may ipadagdag sa ipapabili niya. Busy masyado sa likod, kaya sa harap na ako dumaan, hindi ko naman napansin na basa pala ang dinaanan ko," pagsisinungaling naman ni Lovely. Hindi niya kailan pa man nais na gawin ang bagay na iyon, pero wala naman siyang magawa. Sa isip niya ay para naman sa ikakabuti ng lahat ang desisyon at kanyang ginagawa ngayon.
"Ganon ba? Okay, sabi mo e. Pero ang weird lang kasi ni Sir.
