KUMUNOT ang noo ni Camilla nang mamataan niya si Ford Dean na naglalakad palapit sa bahay nila. Nasa terrace sila ng Nanay at Tatay niya ng umagang iyon habang nagkakape. Nakatuon din ang tingin niya sa harapan kaya kita niya kung sino ang naglalakad palapit.
"Good morning po, Tita, Tito," magalang na bati ni Ford Dean sa magulang niya ng tuluyan itong nakalapit. Hindi lang iyon ang ginawa nito, nagmano pa ito sa magulang niya.
Gusto naman niya itong taasan ng isang kilay nang makita niya itong sumulyap sa kanya. Hindi naman niya alam kung ano ang nakain nito kung bakit parang ang galang-galang nito sa mga magulang niya ng umagang iyon. Nagmano ba talaga ito sa magulang niya?
"Good morning, Camilla," bati din nito sa kanya nang magtama ang mga mata nila.
Gusto sana ni Camilla na huw
