SINABI ni Camilla sa sarili na maaga siyang gigising. Pero nagising siya ng alas otso na ng umaga. Siguro dahil late na din siyang natulog kagabi kaya napahaba ang tulog niya.
Hindi kasi dalawin ng antok si Camilla kagabi. Marami kasing pumapasok sa isip niya. Gaya na lang kung ano ang mangyayari pagkatapos nilang mag-usap ni Ford Dean, kung ano man ang kahihitnan ng pag-uusap nilang dalawa. Iniisip din niya kung ano ang mga sasabihin niya dito. Dahil sa mga iyon ay halos hatinggabi na siya nakatulog.
Lumabas naman si Camilla sa kwarto niya. Dumiretso siya sa kusina. Wala naman do'n ang Nanay niya, baka nasa tindahan na ito.
Nakita niyang may pagkain sa mesa, mukhang para iyon sa kanya. Pero ayaw niyang kumain ng kanin. May gusto niyang kumain ng tinapay at uminom ng kape ng umagang
