"MAHAL mo pa din?"
Saglit na natigilan si Camilla sa tanong na iyon ni Troy matapos niyang ikwento dito ang bumabagabag sa kanya ng minsang magkita silang dalawa sa isang restaurant.
Pinagbigyan niya si Troy ng yayain siya nitong kumain sa labas noong tumawag ito sa kanya kahapon. At sa pagkikita nila ay napansin nito ang pananahimik niya at ang pag-iisip niya nang malalim.
Tinanong siya nito kung may problema siya, ayaw sana niyang mag-kwento dahil ex-boyfriend niya ito pero wala siyang nagawa ng pilitin siya nito. Mas maganda daw na ikwento niya ang bumabagabag sa kanya para kahit paano ay gumaan ang pakiramdam niya.
At hindi nga namalayan ni Camilla na nagku-kwento na siya kay Troy. Hindi naman niya denetalye lahat sa lalaki. Ikinuwento din niya ang mga narinig niyang sinabi ni
