NILAPITAN ni Camilla si Andi nang makita kung ano ang oras na.
"Bakit, Camilla?" tanong naman nito nang tuluyan siyang nakalapit sa pwesto nito.
Saglit naman niyang kinagat ang ibabang labi. "Magpapaalam na sana ako," wika naman niya dito.
"Oh, aalis ka na?" tanong naman nito sa kanya.
Tumango naman siya bilang sagot. Birthday ngayon ni Andi at nasa bahay sila nito. Mga ilang kaibigan at ka-close lang naman nito sa ospital na pinagta-trabahuan ang inimbita nito.
"Ganoon ba. Sige, hatid na lang kita hanggang sakayan," wika naman nito.
Umiling-iling naman siya. "Hindi na, Andi. Kaya ko naman ang sarili ko," tanggi naman niya. Nakakahiya naman kung ihahatid pa siya nito, eh, may mga bisita pa ito. "Entertain mo na lang ang mga bisita mo," dagdag pa na wika niya.
Kumibot-kibot na
