Habang pabalik si Evelyn sa opisina ay hindi sinasadya na mapalingon siya sa gawing kanan ng building kung nasaan nakita niyang kausap ni Jack ang isa sa mga janitor na nagtatrabaho roon. Naisip kaagad ni Evelyn kung may nagawang mali ang janitor kaya pinagagalitan ni Jack. Napa-buntonghininga na lang siya nang mapagtanto niya na mali na naman siya ng akala dahil bigla na lang niyakap ng janitor na iyon si Jack at sa halip na lumayo ito ay yumakap din si Jack sa nasabing janitor. May katandaan na rin ang janitor na iyon at sa tingin ni Evelyn ay matagal na rin iyong nagtatrabaho sa kumpaniya ni Jack.
Kaya maraming humahangang businessman kay Jack ay dahil wala pa naman isang dekada ang kumpaniya niya pero nananalo na ito sa puso ng mga kliyenteng nagtitiwala sa kanya kaya nakikipagsabayan
