“ANO ang usapan n’yo ni Senyor Resuelo? Ano ang ipinusta niya kung sakaling manalo si Growl sa laban?” tanong ni Royal sa kanyang ama nang pinuntahan niya ito sa van nito.
“The formula of the Pink Fantasy,” tugon nito sa kanya.
Naikuyom ni Royal ang kamao. Pinaglalaruan sila ni Senyor Resuelo. May usapan ito at ang kanyang ama, gayundin kay Dalton. Manalo o matalo si Dalton ay wagi ang tatay nito sa labang iyon. May plano talaga itong patayin si Dalton nang hindi magmumukhang masama sa Resuelo clan kaya nagkataon ang Black Tournament.
Kaya pala nagpaalam na ito sa kanya at sinabi na posibleng iyon na ang huli nilang pagkikita. Nanikip ang dibdib ni Royal matapos mapagtanto ang plano ng lalaking kumulong sa kanyang damdamin.
Kinatok sila sa pintuan ng isang tauhan. Binuksan nang bah
