NAKATATAWANG isipin na kung paano tumanggi si Mr. Balaguer sa mga Resuelo anim na taon ang nakaraan ay ito pa mismo ang nag-aya kay Royal na magtungo sa isang gusali para makipagkasundo sa kabilang pamilya.
Walang kangiti-ngiti na bumaba si Royal ng sasakyan matapos siyang pagbuksan ng isang tauhan. Sumunod siya kay Mr. Balaguer papasok sa inabandonang factory na naroon sa port area sa Olongapo. Ang pagkakaalam niya ay bodega iyon ng Pink Fantasy, ngunit sinunog ng mga Resuelo sa pangunguna ng bastardo nitong si Dalton. May bahid pa ng mantsa at sunog ang gusaling iyon.
Sa loob ng anim na taon ay naging enforcer ito ni Mr. Resuelo. Ito ang frontline sa tuwing aatake o kaya naman ay magbibigay ng parusa. Madalas niyang marinig ang usapan na iyon sa paligid niya kaya naman kahit ayaw
