Chapter 20
Nasa bahay na ako at nakaupo sa gilid ng kama ko. Nakalapat ang dalawang paa ko sa sahig at nakahawak ang dalawang kamay ko sa magkabilang gilid ko. Nakatitig ako sa pinto ng banyo ko. Hindi ko alam kung ano ba talaga ang tumatakbo sa isipan ko dahil halo-halo ang mga ito.
Nagbuntonghininga ako at napapikit. Hindi ako sigurado kung kaya ko na ba talagang magpatawad. Hindi ko alam kung kaya ko na ba talagang tanggapin na sinaktan at ginago ako ni Reymel noon. Sa lahat ng ex-boyfriends ko, si Reymel talaga ‘yong pinakanag-iwan sa ‘kin ng maraming alaala. Kaya sa lahat din ng ex-boyfriends ko ay siya ‘yong may pinakamalakas na impact sa pagkatao ko.
Si Khenjie ay hindi ko naman nakasama nang personal kaya hindi rin ganoon kalakas ang epekto ng paghihiwalay naming dalawa. Ganoon
