HINDI kami nagkikibuan ni Nanay. Katulad noong nangyaring unang beses niyang nalaman na buntis ako at walang ama. Ipinagluto pa rin niya ako kinagabihan pagkagising ko. Si Alexis ay hinayaan ko na lamang na matulog sa kuwarto kasama ko, pero naglagay ako ng mga unan sa gitna namin para may distansya. Malaki naman ang kama kaya malaki rin ang espasyo sa pagitan naming dalawa.
Napagod na akong makipag-argumento sa kanya kaya bahala na siya sa buhay niya. Kung saan siya masaya, e ‘di doon siya. Pero ‘wag niya lang akong pakikialaman kasi magkakagulo talaga kaming dalawa.
Nakabibingi ang katahimikan. Mabuti na lang at umaandar ang TV. Alast otso pa lang ng gabi. Sinusundan ko ng tingin si Nanay pero hindi niya talaga ako pinapansin. Napabuntonghininga ako. Hindi niya rin ako sinasabayan sa
