WE are flying back to Manila this afternoon. Kahapon pa lang ay naka-ready na ang mga gamit namin ni Nanay. Sobrang bored na siguro talaga siya at naisipan niyang pati ang mga gamit ko ay inayos niya at inilagay sa maleta. Kaya tanging mga gamit lang na binili ni Alexis ang natira dito sa kuwarto.
Sabagay, wala naman kasi talagang ginagawa si Nanay kundi ang gumising araw-araw para magluto at maghintay na umuwi kami ni Alexis. Sa loob ng mahigit isang buwan ay iyon ang naging set up naming tatlo.
Araw-araw din akong inihahatid at sundo ni Alexis sa opisina kahit na sa kabilang building lang naman iyon. Minsan nga ay hinihintay pa niya talaga ako at madalas naaabutan ko siyang tumatambay sa pantry. Parang naging barkada na nga niya ang mga guards on duty. Hanggang ngayon palaisipan pa ri
