TINANGGAP ko ang temporary assignment sa Cebu. Tutol sina Nanay at Tita Adina, maging si Armea, pero naisip kong ito ang kailangan ko para makapag-isip-isip. I feel like I needed to breathe. Pero hindi ko sinabi sa operations manager na buntis ako at baka magbago ang isip niya’t ibang team leader na lang ang ipadala. Hindi pa naman masyadong halata ang tiyan ko kasi hindi pa naman gano’n kalaki ang umbok, liban na lang kong mga fitted na damit ang susuotin ko. Mga nasa eleven weeks pa lang naman ito ayon sa OB-gyne kung saan ako nagpa-check-up.
Naalala ko pa, mag-isa lang akong nagpa-check-up dahil naging abala si Armea. Tinulungan ko si Gabriel sa kasal nila. It was a surprise wedding. I’m very happy for the both of them. Lalo na sa pamangkin kong makulit.
Mabuti na lang at naging aba
