KABANATA 28
Herme's POV
Napabalikwas ako mula sa aking pagkakahiga. Sapo ang aking ulo at napasabunot ako sa aking buhok.
"Dammit!" bulalas ko. Masakit kasi ang ulo ko at parang pagod na pagod ang aking buong katawan. Tila ba ang haba ng aking nilakbay.
Nanatili lamang akong nakaupo at ilang minuto akong nakatulala. Masyadong maiksi ang isang gabi para sa mahabang panaginip. Parang napakahaba niyon para sa akin.
Pilit kong inaalala ang mukha ng babae ngunit hindi ko iyon matandaan. Malabo ang mukha ng babaeng iyon sa panaginip ko. Nakasisiguro din ako na hindi si Yssa iyon.
Napukaw ang aking pag-iisip ng may kumatok sa pinto ng aking kwarto.
Tumayo ako at pinagbuksan ko ang kumakatok. Si Trudis ang nabungaran ko at napahinto ito sa paghihikab. Para itong antok na antok.
"Sir,
