Mabilis na lumipas ang isang lingo at kagaya nang naipangako ni Rex kay Grace, tatlong beses sa isang araw kung tumawag ito sa kaniya. Minsan pa nga ay hanggang limang beses kung tumawag ito sa kaniya. Basta may nakita itong pagkakataon para tawagan siya, tumatawag ito. At dahil pareho naman ng oras ang Pilipinas at Singapore, hindi nila kailangang mag-adjust.
“Three more weeks, and I’ll be home,” nakangiting sambit nito habang magkausap sila ngayon ng kasintahan. Kararating lang niya sa kanilang bahay nang tumawag ito sa kaniya. Kasalukuyan pa sana siyang magbibihis pero hindi niya naituloy dahil nga sa biglang pagtawag nito.
“Yes mahal, three more weeks and you’ll be beside me again! Mayayakap at mahahalikan na ulit kita,” nagniningning ang mga matang saad niya kay Rex. Miss na miss n
