Taming the Wolf (TagLish)

Chapter 9: The Command

VINA'S POV

.

.

"Salamat."

Nakangiti kong tinanguan ang isa sa mga kalalakihan na kakauwi lang galing sa paghahanap doon sa kagubatan.

Ito ata ang pangatlong grupo na siyang naghahanap doon sa dalagang nag ngangalang Suma.

Nandito kami sa labas ng main hall kung saan may lugar na pwedeng matambayan ng mga tao, may canteen din sa gilid.

Ngayon ay inutusan kami ni Maam Nena na handaan ng pagkain ang mga ito dahil nasisiguro siyang pagod ang mga ito sa buong araw na paghahanap. Sunod na umalis ang pang apat na pangkat, kakaalis lang nila ngayon kaya natira nalang iyong mga kakarating lang.

Yung ibang pangkat naman ay nagpapahinga may iba ring naghahanda doon sa kabahayan nila. Hindi lang kalalakihan ang sumali, may ibang babaeng mandirigma din ang kasali. Karamihan sa mga babae ay gumagamit ng pana, iyon ang kadalasang ginagamit namin lalo na kapag sumusulong dito iyong lobo.

Napatingin ako ng bigla nalang may umagaw sa dala kong tray na naglalaman ng tatlong ulam na sinigang. Ng makita ko kung sino ito tinaasan ko ito ng kilay, ngumiti naman siya sakin bago nagsalita.

"Ako na ang magdadala nito Vina mukhang pagod ka na." sabi ni Daniel, isa siya sa mga mandirigma dito at isa ding ultimate babaerong papansin sa lugar dito. Di mapagkakailang gwapo naman talaga siya, matipuno at magaling din sa ano pakipagbabakan oo yun nga. Pero diko siya type kasi ang hambog niya at siraulo din.

Siguro nagpapansin siya kasi ako lang ang hindi nahuhumaling sakanya tsk.

"Pano ka nasisiguro? Akin nayan, trabaho ko magsilbi dito kaya wag kang makialam. Bat di ka nalang kumain doon ng tahimik." masungit kong sabi at pilit inagaw sakanya iyong tray. Tama din naman siya, pagod talaga ako nitong nakaraang araw dahil sa pinagawa ni miss Davina mabuti na lamang at natapos ko ito agad kaya wala na akong problema. Hindi ko nga alam anong gagawin niya doon.

Isa akong ragana, o ang tinatawag ng mga tao na witch. Tanging may alam lang nito ay si Lola Celes at si Miss Davina na ikinapagtataka ko. Hindi ko alam kung san niya nalamang marunong akong gumawa ng mga gayuma, hindi ko din siya napagtanungan kasi maliban sa hindi kami close nakakaintimidate din siya.

Kaya ginagawa ko nalang iyong iniutos niya kahit hindi ko alam kung para saan iyon at saan niya gagamitin

"Akin na nga ano ba!" inis kong sabi, buti nalang hindi napalakas ang boses ko. Sinamaan ko siya ng tingin dahilan para mapanguso siyang ibalik ang tray.

"Sungit nito, tutulong lang e." sabi niya napaikot nalang ako sa mata at iniwan siya doon. Inihatid ko na ang pagkain sa kabilang mesa bago napasulyap kay Daniel na ngayon ay bumalik na sa mesa niya.

Pinagtawanan siya ng mga kasama niya at tinapik tapik ang likod na may sinabi sakanya. Napasaltak nalang ako sa nakita, siguro pinagpustahan ako ng mga ito.

"Brad, nandito na pala kayo. May balita na ba tungkol doon sa babaeng hinahanap natin?" napalingon ako sa lalaking kararating lang na umupo sa mesa na kinaroroonan ko. Iyong tatlong lalaki naman na nakaupo ay napatingin din sakanya at nakipag kamay.

"Wala pa e, pero may nakita kaming mga patay na hayop na nagsilbing ebedensya na malapit lang doon ang iyong halimaw na lobo." sabi nong isang lalaki. Na ikinatango ng dalawa.

"May bakas din ng paa doon, nasisiguro naming malapit lang doon ang dalawa." sabat naman nong isa. Nagdahan dahan muna ako sa pag serve ng pagkain para makinig sa usapan nila.

Gusto ko ding makibalita kung ano na ba ang magiging resulta ng plano nilang ito.

"Sabi pa naman ni Boss Dustin wag munang sumulong diba? Lalo na kapag nakitang magkasama iyong dalawa. Lumalakas daw ang lobo kapag kasama niya iyong nakatadhana o kapares niya." dagdag pa noong isa. Napatigil naman ako ng marinig iyon. Hindi ko alam ganoon pala iyon.

"So paano mapaghiwalay ang dalawa kung ganon naman pala ang mangyayari kung magkasama sila? Nasisiguro naman tayong alam na ng lobo iyan kaya siguradong hindi niya na papakawalan iyong babae." tanong nung kararating kang na lalaki. Nagkibit balikat naman iyong tatlo, hindi din ata nila alam kung paano.

"Tanging sina miss Portia, miss Nena at boss Dustin lang ang may alam. Hindi ata nila muna isasabi ang plano lalo na kapag hindi pa nila alam kung saan ang mga ito matagpuan." sabi naman noong isa, napatango din ako sa narinig at napangiti nalang ng mapansin ako nung isa na nakikinig pala ako.

Nagpeace sign lang ako bago tumalikod at nagmamadaling umalis dahil sa hiya.

Siniserve ko na yung iba pang pagkain sa ibang mga mandirigma. Nang matapos ay pinapahinga na ako ng taga bantay sa canteen na nag ngangalang Betty. Siya nadaw ang tutuloy at kumain na raw muna ako. Magtanghalian na din kasi.

Kaunti lang din naman daw kumakain dito maliban ngayon dahil narin sa mga mandirigma. Nag aassist lang ako kasi isa din ako sa mapagkatiwalaan at masipag na babae dito sa kampo. Yun ang sabi nila.

"Vina, dalhin mo ito sainyo nasisiguro kong gusto ni Manang Celes ito." sabi ni Betty sabay abot sa akin ng isang tupperware na naglalaman ng sinigang na baboy. Nakangiting tinanggap ko naman ito bago nagpasalamat at umalis din kalaunan.

Nasa daan na ako papunta sa bahay ko ng bigla nalang may tumabi sa akin. Paglingon ko sinamaan ko ng tingin ito ng makita kung sino.

"Ano nanaman ba ang kailangan mo Daniel?" irita kong tanong, ngumisi lang siya at bigla nalang akong hinalikan sa pisngi dahilan para manlaki ang mata ko sa gulat.

"Gago siraulo ka ah! Bumalik ka dito!" sigaw ko dahil sa ginawa niya at pinulot iyong nakita kong bato na nasa sahig at tinapon sa direksyon niya. Tumatawa lang siyang tumakbo habang nakatingin sa direksyon ko at kumindat na umalis.

Sinamaan ko naman ng tingin iyong dalawang babae na nakakita, halatang pinag usapan nila ako dahil sa inggit. Lol wala akong balak agawin yong mokong nayun sakanila, isaksak pa nila sa baga nila iyong lalaking iyon.

Inis na tumalikod na ako at umuwi na ng tuluyan. Pagkarating doon sa bahay nakita ko si Lola Celes na nakaupo sa isang wheelchair malapit sa bintana. Binabasa niya iyong lumang libro na binigay ng kaibigan niya sakanya. Hindi ko alam anong laman non pero nasisiguro akong impormasyon iyon tungkol sa mabangis na lobo.

"Lola Cel, may pinadala pong sinigang si Betty sa iyo. Kumain ka na ba?" tanong ko na ikinahinto niya sa pagbabasa. Sinarado niya iyong libro bago tinanggal ang suot niyang salamin at tumayo.

"Hindi pa iha, sabay na tayo gutom narin ako." sabi niya naman na ikinatango ko. Inihinanda ko na ang pagkain at kumuha narin ng dalawang plato't kutsara bago naupo sa tapat niya.

Nang magsimula na kaming kumain napahinto ako ng may naalala. At tinignan si Lola Celes.

"Lola may tanong po ako." panimula ko na ikinasulyao niya salit bago humigop ng sabaw.

"Ano iyon?" sabi niya.

"Kasi po kanina may narinig akong usapan ng mga kalalkihan doon sa canteen. Sabi nila lumalakas daw po iyong mabangis na lobo kapag kasama niya ang kapares niya. Bakit nung hindi pa dumating si miss Suma e ang lakas na niya? Wag niyo po sabihing mas lumalakas na po siya lalo ngayong kasama niya si miss Suma?" tanong ko, hindi ko alam kung nakuha niya ba.

Pati ako naguluhan sa tanong ko, hindi ko kasi maexplain ng maayos. Huminto siya sa pagkain bago sumagot na tinignan ako.

"Hindi ko pa masyadong alam iyan hindi ko pa nabasa ng buo iyong libro ng kaibigan ko. Pero may nabasa ako noong isang araw. Siguro nga ganon ang mangyayari, isang isinumpang lobo ang halimaw na gumambala dito sa lugar natin. Yun iyong lobo ngayon, tanging makakaamo lang nito ay iyong kapares niya. Mas lalo kasing nagiging malakas ang isang hayop lalo na pag nakocontrol nito ang isip niya. " sagot niya na ikinatango tango ko, kahit nagets ko marami parin akong tanong na gusto itanong kay manang Celes.

"Isinumpa? nino? Kaya po ba hindi na gumambala iyong lobo na iyon dito kasi naaamo na siya ng kapares niya?" dagdag kong tanong.

"Siguro, walang may alam kung sino ang nagsumpa. Posible ding naamo na iyon, malalaman mo lang na naamo siya kapag nagiging kulay berde ang mata ng isang isinumpang lobo. Kapag isa kang isinumpa magiging kulay pula ang mata mo, nagiging berde lang kapag naamo ka at nagkulay asul kapag tuluyan kang makawala sa sumpa. Siguro naman alam mo na iyan diba? Lalo na't isa kang ragana. Gawain niyo iyan." sabi niya na ikinasimangot ko, kahit kailan diko pa naranasang mangsumpa ng tao. Ay malapit na pala, uunahin ko iyong gagong Daniel na iyon at gawin ko siyang palaka. Halikan niya ang ipis para makawala siya sa sumpa ko ganon.

"Opo, pero hindi ko po gawain iyon noh." sabi ko at pinagpatuloy ang pag kain. Natawa naman si Lola Cel at hindi na nagsalita.

Ang hirap pala siguro maging isinumpa ano? Bakit kaya siya nasumpa? May kasalanan ba siya? O di kaya ay isa ba siyang kriminal?

Saklap naman ng buhay niya.

"Ah oo nga pala lola may huli po akong tanong. Sa tingin niyo po ano po kaya ang plano ni Miss Davina?" tanong ko ulit sakanya.

Nakita kong naging seryoso ang itsura niya bago napatingin sa kawalan.

"Hindi ko alam.. pero nasisiguro kong, kung gaano kagulo ang lugar na ito ngayon may magaganap pang mas malaking gulo sa lugar na ito." sabi niya na ikinatahimik ko.

Iyon din ang naisip ko sa nagdaang araw. Hindi ko alam kung kailan pero alam kong pareha ang iniisp namin ni Lola kung kailan ito magaganap.

Iyon ay ang susunod na araw pagkatapos ng buwan.

.

.

.

DAVINA'S POV

.

.

Ah ang ganda ng araw ngayon.

Nandito ako sa second floor ng mainhall, may balkonahe doon kaya don ako tumambay. Mag aalas dos na kaya medyo mainit sa labas pero kahit ganon maayos lang naman kasi mahangin din naman dito kaunti.

Ako lang mag isa dito umalis kasi si Portia na kanina lang ay kasama ko dito. May inaabangan kasi ako ngayon.

Malapit na sila sa kinaroroonan nila kaya nasisiguro kong may balitang darating ngayon.

Napatingin ako sa target ko at agad napangisi ng makitang pumasok siya sa bahay niya.

Malapit lang kasi talaga ang mga bahay naming mga nasa taas dito sa main hall. Makikita mo agad kaya saktong sakto lang ang pinupwestuhan ko.

Bumaba na ako sa kinalalagyan at agad nagtago muna sa isang lugar bago nag iba ng wangis. Pagkatapos ay naglakad na ako palabas sa main hall.

Kampante akong walang makakita sa ginawa ko kanina kasi ako lang naman ang tao roon.

Naglakad na ako papasok doon sa bahay ng target ko at agad nginitian ito.

"Nena. Napaaga ata uwi mo dito? Ayos ka lang ba? Magpahinga ka muna I know masyado ka ng stress ngayon. Bawal iyon sa bata." sabi ni Dustin at niyakap pa ako sa likuran bago hinihimas ang tyan ko.

Nandidiri ako sa hawak niya kaya pasimple ko siyang tinulak palayo at nginitian lang.

"Salamat, pero siguro mamaya na may marami pa akong dapat gawin. Ikaw dapat ang matulog siguro stress ka na sa buong araw mong pag iinspek at pag momonitor sa mga tauhan mo." sabi ko sa malambing na boses at iniisa isang tinanggal iyong mga gamit na nakasabit sa katawan niya. Pagtingin ko sa mukha niya ay gulat ang ekspresyon nito at para siyang hindi makapaniwala.

Palihim akong napalunok, hindi niya naman siguro nahalata na ibang Nena ang kaharap niya ngayon ano?

"Bakit?" tanong ko na ikinatauhan niya.

"Wal-a naman, nagulat lang ako dahil ang sweet mo ata ngayon." sabi niya na ikinatawa ko. Tsk kawawa naman tong lalaking to, pero kung sabagay kung ganitong panget ba naman magiging asawa ko hindi talaga ako matutuwa makita o makausap siya. Hindi naman siya totally panget may itsura din siya kaso ekis parin.

"Minsan lang to kaya sige na magpahinga kana." sabi ko ulit sakanya.

"Pero kasi baka tatawag si Maccoy—" hindi ko na siya pinatapos at agad na akong sumabat.

"Ako na ang bahala, iaassign ko nalang muna si Daniel na siya ang mag aabang ng balita sa pang apat na pangkat." sabi ko, wala naman na siyang nagawa pa kundi ang tumango bago pumasok sa silid niya.

Napangiti nalang ako at napasulyap sa walkie talkie na nasa mesa.

Siniguro ko munang nakatulog na siya ng tuluyan bago napasulyap sa pintuan para isigurong hindi pa muna umuwi si Nena.

Nasisiguro kong mga alas tres may balitang darating.

Naghintay pa ako ng ilang minuto at maya maya lang ay hindi nga ako nagkamali. Tumunog iyong walkie talkie at bigla nalang may nagsalita.

"Boss Dustin, nahanap na po namin ang kinaroroonan ng halimaw at nong isang babae. Over." sabi ng nasa kabilang linya. Napangisi nalang ako at may ibinulong sa hangin dahilan para magbago ang tinig ng boses ko at naging katulad ito sa boses ni Dustin.

"Change of plan, may pagbabago sa utos ni Nena. Sugurin niyo ang dalawa, unahin niyo ang dalaga. Patayin nyo siya." nakangisi kong sabi. Ramdam ko namang nagulat ang kabilang linya at parang nagtataka ito kung totoo ba ang narinig. Tumagal pa saglit ang karahimikan sa kabilang linya bago ito nagresponde.

"Roger."