Nagtaka si Zoe dahil ngayon lang siya hindi napuna ni Aurora. At mas lalong nagtaka siya sa ikinikilos ni Violete. Wala man lang kasing bakas ang kanyang mukha ng galit. Tila napakaaliwalas ng mga mukha nila kaya naman ay naninibago talaga si Zoe sa kanila habang nililigpit ang kanilang pinagkainan.
“Ano kayang nakain ng mga ‘yon?” bulong nito sa kanyang sarili. “‘Wag mo na ngang isipin ‘yon. Gawin mo na lang ang trabaho mo para makapagpahinga kana,” dagdag pa nito at napailing.
Nang matapos na siya sa kanyang ginagawa ay kaagad na rin siyang umakyat sa kanyang silid. Pagkatapos maligo ay agad na pinatuyo ang kanyang buhok bago nahiga sa kanyang kama. Hanggang sa makatulog na siya na may ngiti sa kanyang labi.
Maagang nagising si Edward at nag-isip na naman ng isang pakulo para lalon
