Wala sa sarili ng umuwi sa kanilang mansyon si Violete. Kaya napansin ‘yon ng kanyang Ina nang salubungin niya ito sa pintuan.
“Bakit ganyan ang itsura mo?” tanong ni Aurora sa Anak. “Gising na ba si Zoe, alam na ba ng Daddy mo ang ginawa natin sa kanya?” kinakabahang usal ni Aurora.
Ngunit hindi sinagot ni Violete si Aurora. Diridiretso lang ito sa paghakbang papasok ng kanilang mansyon. Wala rin ito sa kanyang sarili habang kinakausap ni Aurora. Kaya naman ay hinawakan niya ang braso ni Violete at niyugyog para matauhan.
“Violete, ano ba! Kinakausap kita huwag mo akong talikuran!” madiing wika nito at hinawakan ang braso ni Violete para pigilan.
Subalit bigla na lang humagulhol ng iyak si Violete. Kaya nanlaki ang mga mata ni Aurora sa gulat. Napalunok ito ng kanyang laway at nag
